14 oktyabr 2009-cu il tarixdə C.Cabbarlı adına Respublika Gənclər kitabxanasının İctimai Hüquqi İnformasiya Mərkəzində “Məlhəm” Humanist Ictimai Qadınlar Birliyi və Milli qəhrəman qəzeti “Şəhid ailəsinə mənəvi dəstək” mövzusunda şəhid ailəsi və milli qəhrəman anaları ilə görüş keçirmişdir. Tədbiri kitabxananın direktoru Tahir Sadıqov açaraq “Ərazi bütövlüyümüzün qorunması, Vətən uğrunda canından, qanından keçən oğul və qızlarımızın valideynləri ilə tez-tez görüşmək onlara mənəvi dayaq olmaq bu gün hamımızın vətəndaşlıq borcumuzdur” ”-deyərək hamını salamladıqdan sonra söz “Məlhəm” Humanist İctimai Qadınlar Birliyinin sədri Xədicə İsgəndərliyə verildi. Tədbirdə “Milli qəhrəman” qəzetinin baş redaktoru Mirbəşir Seyidzadə və digər iştirakçılar çıxış etdilər.