“Sevilənlər, sevənlər” rubrikası altında yazıçı, publisist, jurnalist, türkoloq Günel Anarqızı ilə evdən canlı görüş

Cəfər Cabbarlı adına Respublika Gənclər Kitabxanası görkəmli şəxsiyyətlər, elm, mədəniyyət, incəsənət xadimləri ilə evdən canlı yayınları davam etdirir.

18 iyun 2020-ci il tarixdə kitabxananın “Sevilənlər, sevənlər” rubrikası altında evdən təşkil etdiyi növbəti görüşün qonağı yazıçı, publisist, jurnalist, türkoloq, Bakı Kitab Mərkəzinin direktoru, 2018-ci ildə Azərbaycan-Polşa əlaqələrinin möhkəmləndirilməsində xidmətlərinə görə Azərbaycanın Polşa səfirliyinin medalına layiq görülmüş Günel Anarqızı oldu.

Günel Anarqızı ilk növbədə son günlərdə ölkəmizdə müşahidə olunan yüksək yoluxma sayı ilə əlaqədar elan edilən karantin rejiminə qarşı xalqımızı məsuliyyət nümayiş etdirməyə, qoyulan qaydalara riayətə səslədi. O, həmçinin, karantin müddətində kitab sifarişi və çatdırılması sahəsində müşahidə edilən dinamikadan danışaraq bu məsələnin Bakı Kitab Mərkəzindən də yan keçmədiyini vurğuladı.

Günel Anarqızı ölkəmizdə mütaliənin səviyyəsi, kitab təbliğatı, yeni çap olunan əsərlər, böyük populyarlıq qazanmış ”El” jurnalının yaranma tarixi, fəaliyyəti, müəllifi olduğu “Qarabağ hekayələri” kitabı, son hadisələrə həsr olunmuş yazıları haqqında izləyicilərinə dəyərli fikirlər və geniş məlumatlar verdi.

Müsahibə xarakterli görüşün aparıcısı Günay Həsənova canlı yayın zamanı həm özünün, həm də izləyicilərin suallarını və rəylərini Günel Anarqızı üçün səsləndirdi.

Yazıçı, publisist, jurnalist, türkoloq Günel Anarqızı ilə keçirilən canlı yayına 1 359 nəfər izləyici qatıldı.

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.