Respublika Gənclər Kitabxanasının canlı yayımının yeni həmsöhbəti klinik psixoloq Günel Abasova olmuşdur

Respublika Gənclər Kitabxanasının “Sevilənlər sevənlər” rubrikası altında keçirdiyi canlı yayımlar müvəffəqiyyətlə davam edir. Növbəti belə görüş 15 aprel 2021-ci il tarixində psixoterapevt, klinik psixoloq Günel Abasova ilə keçirilib. İlk növbədə canlı yayımın aparıcısı, qonağı Respublika Gənclər Kitabxanasının direktoru Oruc Quliyev və bütün kitabxana kollektivi adından salamlamış, canlıya qatılmağa razılıq verdiyinə görə Günel xanıma təşəkkürünü bildirmişdir. Müsahibə ilk növbədə verilən sual “Pandemiya” mövzusu ilə əlaqədar olmuş və Günel xanım pandemiya dövründə insanların rastlaşdıqları psixoloji problemlər və bu problemlərin aradan qaldırılması yollarından geniş formada bəhs etmişdir. Günel xanım hal-hazırda psixoloji kömək məqsədilə müraciət edənlərin sırasında Qarabağ müharibəsi iştirakçılarının, qazilərin, onların ailə üzvlərinin, erməni terrorundan əziyyət çəkmiş insanların əksəriyyət təşkil etdiyini və bu insanlarla hal-hazırda reabilitasiya proqramlarının həyata keçirildiyini diqqətə çatdırmışdır. Sonradan Günel xanım son illərin aktual və ağrılı problemi olan intihar mövzusuna toxunmuş, intiharın ilkin əlamətləri, intihar cəhdlərinin növləri, bu təhlükənin qarşısının alınması üsulları haqqında izləyicilərə geniş məlumat vermişdir. Qonaq həmçinin, müasir gəncliyin psixo-sosial mühitə adaptasiyası, böyüməkdə olan yeniyetmə və gənclərdə özgüvən hissinin aşılanması, erkən tərbiyə metodikası haqqında canlı yayım izləyicilərini məlumatlandırmış, lazımı tövsiyə və məsləhətlərini vermişdir. Qonaq müasir ailələrdə yaşanan psixoloji problemlərdən, insanlarımızın uğurlu, xoşbəxt ailə modeli yaradarkən öz şəxsi fikir və düşüncələrinə köklənməli olmalarından, ətrafdakı insanların fikir və münasibət yükündən azad olmaları zəruriyyətindən də danışmışdır. Çox maraqlı diskussiya formasında keçən canlı yayımda izləyicilərin rəyləri və sualları da səsləndirilmişdir.

Psixoterapevt, klinik psixoloq Günel Abasova ilə keçirilən canlı yayım kitabxananın İnstagram səhifəsinin https://www.instagram.com/p/CNshz1VCZFV/ linki altında yerləşdirilmişdir.

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.