Respublika Gənclər Kitabxanasının “Zirvələrə ucalan Azərbaycanım” adlı tədbiri

Respublika Gənclər Kitabxanası Azərbaycan xalqının həyatına böyük və əlamətdar hadisə kimi daxil olmuş 28 May Respublika Günü ilə əlaqədar olaraq silsilə tədbirlər həyata keçirmişdir. Belə ki, 25 may 2021-ci il tarixdə Respublika Gənclər Kitabxanası, AMEA Elm Tarixi İnstitutunun Elmşünaslıq və elmin sosial problemləri şöbəsi və “Elin səsi” İctimai Birliyinin birgə təşkilatçılığı ilə “Zoom” proqramı üzərindən “Zirvələrə ucalan Azərbaycanım” adlı tədbir təşkil edilmişdir.

Tədbirdə qonaqlarla yanaşı, ali təhsil ocaqlarının tələbələri, kitabxananın onlayn tədbirlərinin izləyiciləri və kitabxana əməkdaşları iştirak etmişlər.

Tədbiri giriş sözü ilə kitabxananın elmi işlər üzrə direktor müavini Xalidə Musayeva açmış, 1918-ci il may ayının 28-də Məmməd Əmin Rəsulzadənin başçılığı altında yaradılan Azərbaycan Xalq Cümhuriyyətinin tarixinə nəzər salaraq, onun islam dünyasında ilk parlamentli respublika və ilk demokratik, hüquqi, dünyəvi dövlət nümunəsi olmasından danışmışdır.

Kitabxananın direktoru, tarix üzrə fəlsəfə doktoru Oruc Quliyev Azərbaycan Xalq Cümhuriyyətinin yaradılmasının ölkəmizin həyatına böyük tarixi hadisə kimi daxil olmasını qeyd edərək, öz üzərinə götürdüyü çətin vəzifələri şərəflə yerinə yetirdiyini qeyd etmişdir. XX əsrin sonlarında yenidən müstəqilliyinə qovuşan Azərbaycanın öz suverenliyini qoruyub saxlamağı bacarmasından danışmışdır.

Azərbaycan Milli Elmlər Akademiyası elm tarixi istitutunun elmşünaslıq və elmin sosial problemləri şöbəsinin müdiri, siyasi elmlər üzrə fəlsəfə doktoru, “Milli Mənəvi Dəyərlərimizə Dəstək” ictimai birliyinin sədri, tədqiqatçı alim Elvin Talışınski boyük inamla bir gün tarixi torpaqlarımızın qaytarılacağını, Azərbaycanımızın daha da möhkəmlənəcəyini vurğulayaraq, Azərbaycanın milli-mənəvi dəyərləri, elmi cəmiyyətlərin fəaliyyətləri mövzusunda danışmışdır.

Azərbaycan Milli Elmlər Akademiyası Abbasqulu ağa Bakıxanov adına Tarix İnstitutunun Azərbaycanın orta əsrlər tarixi şöbəsinin aparıcı elmi işçisi, tarix üzrə fəlsəfə doktoru, dosent Şahlar Şərifov çıxışının əvvəlində 28 may tarixinin hər bir Azərbaycan vətəndaşının hafizəsində və qəlbində böyük qürur hissi ilə xatırladığı gün olmasını qeyd etmişdir. O, Azərbaycan Xalq Cümhuriyyətinin yaranması ilə milli dövlət quruculuğumuzun bərpa olunması, Azərbaycanda milli ordusunun əsasının qoyulması, himnimizin, gerbimizin təyin olunması, milli valyutanın dövriyyəyə buraxılması mövzusunda danışmışdır.

Bakı Dövlət Universitetinin müəllimi, tarix üzrə fəlsəfə doktoru, dosent Pərviz Kazımi çıxışında “Bizim çox zəngin və böyük tariximiz var. Yalnız güclü və inamlı liderin rəhbərliyi altında idarə olunan ölkə bu cür güclü ola bilər” fikrini səsləndirməklə, Azərbaycan xalqının çox güclü və inamlı liderinin olmasını vurğulamışdır. Sonradan Pərviz Kazımi çıxışında Azərbaycanda əlifba islahatı mövzusuna da toxunmuşdur.

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.