Respublika Gənclər Kitabxanasının “Xilas günü- Milli Qurtuluş” adlı tədbiri

Cəfər Cabbarlı adına Respublika Gənclər Kitabxanası 12 iyun 2021-ci il tarixdə “ZOOM” proqramı üzərindən 15 iyun Milli Qurtuluş günü ilə əlaqədar “Xilas günü-Milli Qurtuluş” adlı tədbir təşkil etmişdir.

Tədbir ümummilli lider Heydər Əliyevin qürurlu səsi ilə “Mən fəxr edirəm ki, Azərbaycanlıyam”, “Azərbaycanın müstəqilliyi əbədidir, dönməzdir, sarsılmazdır” ifadələrinin səsləndirilməsi ilə başladı.

Tədbiri giriş sözü ilə kitabxananın elmi işlər üzrə direktor müavini Xalidə Musayeva açıb Azərbaycanda müstəqilliyin ilk illərində siyasi hakimiyyətdə yaranan boşluqdan, vətənin ağır dövründə ulu öndər Heydər Əliyevin xalqın təkidi ilə Bakıya gəlməsi, dövlətçiliyimizi yox olmaq təhlükəsindən xilas etməsindən danışdı.

Tarix elmləri üzrə fəlsəfə doktoru, Azərbaycan Milli Elmlər Akademiyasının Abbasqulu ağa Bakıxanov adına Tarix İnstitutunun “Əliyevşünaslıq” şöbəsinin müdiri Ədalət Qasımov məruzəsini “bu şanlı tarixi, milli qurtuluş gününü ulu öndər Heydər Əliyev yaratdı” cümləsi ilə başladı. Ümummilli liderin Moskvadan Azərbaycana qayıdışından sonra Naxçıvanda Yeni Azərbaycan Partiyasını təsis etməsi, qonşu dövlətlərlə siyasi, iqtisadi əlaqələr qurması, hərbi müxalifəti neytrallaşdırması, daxili siyasi sabitliyi təmin etməsi, ölkənin bütün dünyaya inteqrasiyasını sürətləndirməsi, milli təhlükəsizlik sistemini möhkəmləndirməsi sahəsində əvəzsiz xidmətlərindən məlumat verdi.

Tarix elmləri üzrə fəlsəfə doktoru, Bakı Dövlət Universitetinin Kitabxanaşünaslıq kafedrasının dosenti Pərviz Kazimi ulu öndər Heydər Əliyev fenomeninin böyüklüyü, XX əsrin ikinci yarısından başlayaraq Azərbaycanın ictimai-siyasi həyatına ən fəal dövlət rəhbəri kimi daxil olması mövzusunda çıxış etdi. Azərbaycanın bütün sahələr üzrə dinamik inkişafa qədəm qoymasında ulu öndərin xidmətlərindən, həmçinin, dünya çapında siyasi lider sayılmasından danışdı.

Cəfər Cabbarlı adına Respublika Gənclər Kitabxanası sosial şəbəkələrdə Azərbaycanın Milli Qurtuluş günü ilə əlaqədar tədbirləri davam etdirir.

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.