Respublika Gənclər Kitabxanasının “Azərbaycan ordusunun qəhrəmanlıq tarixi” adlı tədbiri.

Cəfər Cabbarlı adına Respublika Gənclər Kitabxanasında 24 iyun 2021-ci il tarixdə Azərbaycan Respublikası Silahlı Qüvvələri günü münasibəti ilə “Azərbaycan ordusunun qəhrəmanlıq tarixi” adlı tədbir təşkil edildi.

Tədbiri giriş sözü ilə kitabxananın elmi işlər üzrə direktor müavini Xalidə Musayeva açıb bu gün Qafqazda ən müasir ordu sayılan Azərbaycan Milli Ordusunun əsasının qoyulma tarixi, ümummilli lider Heydər Əliyevin ordu quruculuğu, milli təhlükəsizlik siyasəti ilə bağlı başladığı işlərin Azərbaycan Respublikasının Prezidenti İlham Əliyev tərəfindən uğurla davam etdirilməsi haqqında məlumat verdi.

Şair Qismət Məsim Heydər Əliyev adına Azərbaycan Ali Hərbi Məktəbinin 2007-2011-ci iı III taboru buraxılışlarının şəhidlərinə həsr edilən tərtibçisi olduğu “Ölümsüzlər” kitabının yazılıb ərsəyə gəlməsindən, kitabda on altı igidin qəhrəmanlıqla dolu həyat yolunun əks etdirilməsindən, I Qarabağ savaşında ataların gördüyü işlərin ikinci Qarabağ savaşında oğullarının davam etdirmələrindən danışdı, çıxışını “Ata, qolların hanı” şeiri ilə bitirdi. Beş nüsxə “Ölümsüzlər” kitabını kitabxanaya hədiyyə verdi.

Şair, jurnalist Elşad Barak cəbhə xatirələrindən, “Ali Baş Komandanın səsi” reportajından tədbir iştirakçılarına söhbət açdı. Hələlik iki yüz Qarabağ şəhidinə şeir həsr eləməsini, torpaqlarımızın işğalı uğrunda şəhid olan bütün vətən oğullarına şeirlər yazacağını söylədi. Çıxışını ikinci Qarabağ savaşında yeganə şəhid qadın Arəstə xanıma həsr etdiyi şeirlə bitirdi. Müəllifi olduğu “Bumeranq” kitabını kitabxanaya hədiyyər verdi.

Kitabxananın şöbə müdiri Tamella Məmmədova çıxışına “Hər bir şəhid bizim doğma övladımızdır” cümləsi ilə başladı. “Ölümsüzlər” və Nurlan Hüseynzadənin “42” kitablarının əsas mövzusu haqqında danışandan sonra Azərbaycan Respublikası Silahlı Qüvvələrinin 103 illiyinə həsr etdiyi “Müzəffər ordu ilə möhtəşəm qələbə” adlı biblioqrafik icmal və videoçarx haqqında tədbir iştirakçılarına məlumat verdi.

Tədbirin sonunda “26 iyun Azərbaycan Respublikası Silahlı Qüvvələri günü” adlı kitab sərgisinə baxış keçirildi.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.