Dedektiv yazıçı, Azərbaycan Yazıçılar Birliyinin üzvü,”Qızıl Qələm” mükafatı laureatı
Elxan Elatlı ilə görüş

21 fevral 2018-ci il tarixdə Cəfər Cabbarlı adına Respublika Gənclər Kitabxanası və Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin birgə təşkil etdiyi dedektiv yazıçı, Azərbaycan Yazıçılar Birliyinin üzvü,”Qızıl Qələm” mükafatı laureatı Elxan Elatlı ilə görüş keçirildi.

Tədbiri giriş sözü ilə kitabxananın direktoru Tahir Sadıqov açaraq, Elxan Elatlının dedektiv janrda yazdığı romanlar, hekayə və povestlərin minlərlə oxucu tərəfindən sevilə - sevilə oxunmasından və hər birinin ayrı-ayrılıqda böyük tərbiyəvi əhəmiyyət kəsb etdiyindən danışdı.

Tədbirdə çıxış edən Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin direktoru Ramazan Şabanov qeyd etdi ki, bu tədbirdə Cəfər Cabbarlı adına Respublika Gənclər Kitabxanasının əməkdaşları ilə birlikdə tarix diyarşünaslıq muzeyinin fond mühafizə işçiləri və bir çox rayon MKS-lərin xidmət şöbəsinin əməkdaşları da iştirak edir. Ona görə də təbliğat baxımından bu tədbirin əhəmiyyəti böyükdür. O çıxışında 2016-2017-ci ilin ən çox oxunan yazıçısı- Elxan Elatlıya uğurlar arzuladı.

Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin kitabxana müdiri Validə Hacıyeva yazıçının əsərləri haqqında qısa icmal verərək bildirdi ki, Elxan Elatlının indiyədək işıq üzü görən 25 kitabından 4-ü şer, 2-si riyazi məntiq, 1-i qəhrəmanlıq romanı, digərləri isə dedektiv nəsr əsərləridi.

“Yeni nəşrlər” jurnalının baş redaktoru və “Yayım” Assosiasiyasının rəhbəri Yaşar Zeynalov öz çıxışında Elxan Elatlının “Cəhənnəmdən gələn səs” və Qisas gecəsi” kimi əsərlərində bəhs olunan Xocalı soyqırımı zamanı vəhşicəsinə qətlə yetirilmiş həmyerlilərimizin vətənpərvərliklərindən və Milli Qəhrəman Mübariz İbrahimovun qəhrəmanlığından danışdı.

Tədbirdə həmçinin, Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin işçiləri,Yardımlı rayon MKS-nin kompüter mütəxəssisi Alışov Rizvan, Quba rayon MKS-in əməkdaşı Əliyeva Samirə, Abşeron rayon Tarix – Diyarşünaslıq muzeyinin baş fond mühafizəçisi Gülçin Əfəndiyeva və başqaları da iştirak edirdilər.

Tədbir Elxan Elatlının “Oxucu sevgisi mənim üçün ən böyük mükafatdır” sərgisinə baxışla sona çatdı.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi diqqət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.