Cəfər Cabbarlı adına Respublika Gənclər Kitabxanasında “Sənət fədailəri” adlı ədəbi-bədii gecə

Cəfər Cabbarlı adına Respublika Gənclər Kitabxanasında 26 noyabr 2018-ci il tarixdə görkəmli səhnə ustaları, Azərbaycanın xalq artistləri Gülxar Həsənovanın anadan olmasının 100, Həsən Məmmədovun anadan olmasının 80 illiyinə həsr olunmuş “Sənət fədailəri” adlı ədəbi- bədii gecə keçirildi.

Tədbiri giriş sözü ilə kitabxananın elmi işlər üzrə direktor müavini Xalidə Musayeva açıb bildirdi ki, Azərbaycan Respublikasının Prezidenti İlham Əliyev 2018-ci il 30 iyul tarixdə kino və teatr sənətinin görkəmli nümayəndəsi Həsən Məmmədovun anadan olmasının 80, 2018-ci il 15 avqust tarixdə Azərbaycanın görkəmli opera müğənnisi Gülxar Həsənovanın anadan olmasının 100 illiyi ilə bağlı sərəncam imzalayıb. Gülxar Həsənova 1936-cı ildən səhnə fəaliyyətinə Azərbaycan Gənc Tamaşaçılar Teatrında başlamış, 1942-ci ildən ömrünün sonuna kimi Azərbaycan Dövlət Opera və Balet teatrında öz sənətini davam etdirmişdir. O, bu möhtəşəm teatrın səhnəsində Əsli, Leyli, Şahsənəm, Ərəbzəngi, Təravət, Anna və onlarla qadın surətlərini məharətlə tamaşaçılara təqdim etmişdir. Həsən Məmmədov 1962-ci ildən 1972-ci ilin fevral ayınadək Akademik Milli Dram Teatrında, 1972-ci ildən ömrünün sonunadək isə "Azərbaycanfilm" kinostudiyasında çalışmış, 50-dən çox filmdə çəkilmişdir.

Kitabxananın əməkdaşı Fəridə Cəfərova aktyor Həsən Məmmədovun həyatı, teatr və kino sahəsində uğurları, dövlət tərəfindən yüksək mükafatları, səhnə fəaliyyətinin qiymətləndirilməsi mövzusunda çıxış etdi.

Kitabxananın əməkdaşı Tamella Məmmədova Azərbaycanın xalq artistləri Gülxar Həsənova və Həsən Məmmədovun səhnə fəaliyyətlərinə həsr olunmuş kitabların tövsiyə ədəbiyyat siyahısı haqqında ətraflı məlumat verdi.

Azərbaycan Mədəniyyət və İncəsənət Universitetinin tələbəsi Lətafət Rəhimzadə Azərbaycan kino sənətinin inkişafında aktyor Həsən Məmmədovun əvəzsiz xidmətlərindən, yaratdığı obrazlardan danışdı.

Azərbaycan Mədəniyyət və İncəsənət Universitetinin tələbəsi Aylin Əzizli Gülxar Həsənovanın opera səhnəsində Ərəbzəngi, Leyli, Əsli, Şahsənəm kimi qadın obrazlarını məharətlə tamaşaçılara sevdirməsi mövzusunda çıxış etdi.

Tədbirdə Həsən Məmmədovun və Gülxar Həsənovanın səhnə fəaliyyətlərini əks etdirən iki qısa metrajlı film nümayiş olundu.

Tədbirin sonunda “Azərbaycanın səhnə korifeyləri” adlı foto-stendə baxış keçirildi.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi diqqət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.