31 mart Azərbaycanlıların Soyqırımı gününə həsr olunmuş “Soyqırım, qanlı tarix” mövzusunda dəyirmi masa

Cəfər Cabbarlı adına Respublika Gənclər Kitabxanasında 29 mart 2019-cu il tarixdə 31 mart Azərbaycanlıların Soyqırımı gününə həsr olunmuş “Soyqırım, qanlı tarix” mövzusunda dəyirmi masa keçirildi.

Tədbir Azərbaycanın suverenliyi uğrunda şəhid olanların və soyqırım qurbanlarının əbədi xatirəsinin bir dəqiqəlik sükutla yad edilməsindən sonra başladı.

Kitabxananın elmi işlər üzrə direktor müavini Xalidə Musayeva Azərbaycanlıların kütləvi surətdə qırğını, repressiyalara məruz qalması, doğma yurdlarından sürgün edilməsi və didərgin salınmasını XX əsr tarixinin ən faciəli, ən dəhşətli səhifələrindən biri kimi qiymətləndirdi və 31 mart soyqırımının on iki minə yaxın azərbaycanlının qətlə yetirilməsi, on minlərlə insanın itkin düşməsi ilə nəticələndiyini faktını söylədi. Həmçinin, bildirdi ki, Azərbaycanın ümummilli lideri Heydər Əliyev 26 mart 1998-ci il, 690 nömrəli Fərmanı ilə 31 mart tarixini “Azərbaycanlıların Soyqırımı günü” elan etmişdir.

Azərbaycan Dövlət Mədəniyyət və İncəsənət Universitetinin tələbəsi Leyla Nəbiyeva 1918-ci il 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və Daşnaksütundan olan erməni silahlı dəstələrinin azərbaycanlılara qarşı törətdikləri soyqırım həqiqətləri haqqında məlumat verdi.

Azərbaycan Dövlət Mədəniyyət və İncəsənət Universitetinin tələbəsi Cəlil Mustafa mart hadisələri zamanı ermənilərin törətdikləri cinayətlərin Azərbaycan xalqının yaddaşına əbədi həkk olunması, minlərlə dinc əhalinin yalnız milli mənsubiyyətinə görə məhv edilməsi, kəndlərin yandırılması, milli mədəniyyət abidələrinin, ziyarətgahların dağıdılması faktları əsasında çıxış etdi.

Kitabxananın şöbə müdiri Günay Həsənova çıxışında bildirdı ki, ermənilərin “Böyük Ermənistan” yaratmaq kimi qondarma ideyalarının gerçəkləşməsi yolunda atdıqları addımlar azərbaycanlılara qarşı kütləvi qırğın aktının reallaşması ilə nəticələnmişdir. Erməni vəhşilikləri xalqımızın tarixinin qanla yazılmış səhifəsi olsa da Azərbaycan yerləşdiyi bölgədə söz və nüfuz sahibi olmaqla bütün problemlərin öhdəsindən hər zaman uğurla gəlmək iqtidarındadır.

Baş biblioqraf Sevda Rəhimova 31 mart soyqırımına həsr olunmuş kitabxananın kitab fondunda olan Azərbaycan və rus dillərində ədəbiyyatların ətraflı şəkildə biblioqrafik xülasəsini verdi.

Tədbirdə həmçinin, 31 mart soyqırımını əks etdirən video-çarx nümayiş olundu.

Tədbirin sonunda “31 mart soyqırım həqiqətləri” adlı kitab sərgisinə baxış keçirildi.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi diqqət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.