2 aprel Beynəlxalq Uşaq Kitab günü münasibəti ilə görüş

Cəfər Cabbarlı adına Respublika Gənclər Kitabxanası Yasamal rayonu 176 saylı orta məktəbdə 2 aprel 2019-cu il tarixdə Beynəlxalq Uşaq Kitab günü münasibəti ilə görüş keçirdi.

Tədbiri Cəfər Cabbarlı adına Respublika Gənclər Kitabxanasının elmi işlər üzrə direktor müavini Xalidə Musayeva açıb uşaq ədəbiyyatının inkişafındakı xidmətlərinə görə 1953-cü ildən etibarən məşhur Danimarka yazıçısı Hans Xristian Andersenin doğum gününün “Beynəlxalq uşaq kitabı günü” kimi qeyd edilməsində əsas məqsədin uşaqların intellektual inkişafında kitabın rolunu artırmaq, kitaba sevgi aşılamaq və diqqəti uşaq kitabının nəşrinə yönəltmək olduğunu dedi. X. Musayeva Azərbaycan uşaq şair və yazıçıları, onların əsərləri haqqında məlumat verəndən sonra şagirdlərin ədəbiyyata olan tələb və maraqları ətrafında müzakirə apardı.

Cəfər Cabbarlı adına Respublika Gənclər Kitabxanasının şöbə müdiri Səadət Şəfiyeva kitabxananın kitab fondundakı Azərbaycan, rus və digər xarici dillərdə olan uşaq ədəbiyyatlarının məzmun və ideyası haqqında çıxışından sonra biblioqrafik siyahını oxudu.

Şöbə müdiri Qənirə Mustafayeva şagirdlərə biblioqrafik siyahıda göstərilən ədəbiyyatları mütaliə etmək, yalnız oxumaqla savadlanmaq, dünyagörüşü artırmağın mümkünlüyünü dedi.

Məktəbin kitabxana müdiri Kəmalə Məmmədova şagirdlərin mütaliəyə geniş yer vermələrindən, nəinki Azərbaycan, həmçinin, dünya ədəbiyyatına da müraciət etmələrindən, oxu mədəniyyətlərindən danışdı.

Məktəbin kitabxanaçısı Vüsalə Yusubova Azərbaycan şair və yazıçılarından Mirzə Ələkbər Sabir, Abdulla Şaiq, Süleyman Sani Axundov, Abbas Səhhətin uşaqlar üçün nəsr və nəzm nümunələrinə şagirdlərin yüksək maraq göstərdiklərini dedi.

Şagirdlər Azərbaycan şair və yazıçılarının uşaqlar üçün yazdıqları əsərlərdən başqa Hans Xristian Andersen, Ceyms Fenimor Kuper, Mark Tvenin də əsərlərini mütaliə etmələri, bu əsərlər əsasında çəkilən bədii film və cizgi filmlərinə böyük maraq göstərmələri ətrafında çıxışlar etdilər.

Tədbirin sonunda Cəfər Cabbarlı adına Respublika Gənclər Kitabxanası tərəfindən məktəb kitabxanasına Nizami Gəncəvinin “Leyli və Məcnun”, Tofiq Bayramın “Azərbaycanım”, beşinci sinif şagirdi Rauf Məmmədliyə isə ən fəal iştirakına görə Scott Foresmanın ingilis dilində “Reading” kitabları hədiyyə verildi.

Tədbir Azərbaycan və dünya uşaq ədəbiyyatı nümunələrinə baxışla sona çatdı.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi diqqət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.