İŞĞALDAN AZAD EDİLMİŞ ŞƏHƏRLƏRİN GÜNLƏRİ
Azərbaycan Respublikasının Prezidenti İlham Əliyev işğaldan azad olunmuş ərazilər üzrə şəhər günlərinin təsis olunması ilə bağlı 31 iyul 2023-cü ildə Sərəncam imzalayıb. Sərəncama əsasən hər il aşağıdakı günlər işğaldan azad edilmiş ərazilərdəki şəhərlərin günləri kimi təntənəli şəkildə qeyd olunacaq:
26 avqust - Laçın şəhəri günü; 4 oktyabr - Cəbrayıl şəhəri günü; 17 oktyabr - Füzuli şəhəri günü; 20 oktyabr - Zəngilan şəhəri günü; 25 oktyabr - Qubadlı şəhəri günü; 8 noyabr - Şuşa şəhəri günü; 20 noyabr - Ağdam şəhəri günü; 25 noyabr - Kəlbəcər şəhəri günü.
İşğaldan azad edilmiş şəhər günlərinin təsis olunması Vətən Müharibəsində (İkinci Qarabağ Müharibəsi) qazanılmış tarixi qələbəni əbədiləşdirmək məqsədi daşıyır.
25 OKTYABR - QUBADLI ŞƏHƏRİ GÜNÜ
1993-cü il avqustun 31-də Azərbaycanın qədim yaşayış məskənlərindən biri olan Qubadlı rayonu Ermənistan ordu hissələrinin genişmiqyaslı hücumu nəticəsində işğal edildi.
QUBADLI: 30 ilin o başı, bu başı...
1993-cü ilin 31 avqustunda düşmənin haram əlinə keçmişdi, Qubadlı. Bu gün azad Qubadlı ilə ozamankı Qubadlını düz 30 il birləşdirir. Həm də 30 ilin o başındakı Qubadlı ilə bugünkü Qubadlı tamamilə fərqlidir.
Qubadlı - 29 il əvvəl və bu gün...
1993-cü ilin bu günündə Azərbaycan dilbər guşələrindən biri olan Qubadlı rayonunu itirdi. Qubadlı rayonu 1993-cü il avqustun 31-də Ermənistan ordu hissələrinin genişmiqyaslı hücumu nəticəsində işğal edildi.
