12 noyabr - Azərbaycan Respublikasının Konstitusiyası Günü

Azərbaycan Respublikasının 1995-ci il noyabrın 12-də ümumxalq səsverməsində (referendumda) qəbul olunmuş Konstitusiyası müstəqil Azərbaycanın ilk Konstitusiyasıdır.

Konstitusiya dövlətin ali qanunudur, ali hüquqi qüvvəyə malikdir, həmin dövlətin siyasi, hüquqi və iqtisadi sistemlərin əsaslarını təsbit edir, vətəndaşlarının hüquq və azadlıqlarını elan edir, zəmanət verir.

Cəfər Cabbarlı adına Respublika Gənclər Kitabxanasında Azərbaycan Respublikasının Konstitusiyası günü münasibəti ilə “Azərbaycan Respublikasının Konstitusiyası” adlı kitab sərgisi açılmışdır. Sərgiyə baxış həftə ərzində davam edəcəkdir.