18 İYUN - İNSAN HÜQUQLARI GÜNÜ

18 İyun - Azərbaycanda İnsan Hüquqları Günü kimi qeyd olunur.

Prezident İlham Əliyevin 2007-ci il 17 iyun tarixli Fərmanı ilə Ulu Öndər Heydər Əliyevin 1998-ci ildə ölkəmizdə ilk “İnsan hüquqları müdafiəsinə dair Dövlət Proqramı”nın təsdiq etdiyi və insan hüquqlarının təmin olunmasının dövlət siyasətinin əsas istiqamətlərindən biri kimi müəyyənləşdirdiyi tarix Azərbaycanda "İnsan Hüquqları Günü" elan edilmişdir.

Cəfər Cabbalı adına Respublika Gənclər Kitabxanasında “18 İyun - İnsan Hüquqları Günü” adlı ənənəvi sərgi təşkil edilmişdir. Sərgidə mövzu ilə əlaqədar kitablar, kitabxana əməkdaşları tərəfindən hazırlanmış  “İnsan hüquq və azadlıqları: Ulu Öndərin yaratdığı reallıq” adlı biblioqrafik icmal sərgilənməkdədir.